"Fabula të zgjedhura"

“Një vezë gjeli!”

Na u mblodhnë n’Honlulu
I gjithë fisi, pleq e f’mi
E nisnë me kuvendu
Të vendosin një ‘pari’.

 

Më parë s’njihnin si kësi
S’kishin parë ç’fuqi kishin
Ndaj, për një vez çdo njeri
Vendosën ‘pulën’ të zgjidhshin.

Zgjodhnë pulën më të mirë
E vendosnë n’furriq me arë
Për të ngrënë e për të pirë
Fisi nxirrte margaritarë.

Nisi pula ka, ka, ka
Ka, ka, ka e ki, ki, ki
Kakariste sa më s’ka
Nat e ditë, e përsëri.

Nisi fisi vallen mori
Mori vallen tërë hare
S’ka si pula jon asnjori
S’ka mor s’ka në këtë dhe.

Ka, ka, ka e ki, ki, ki
Mirpo vallja në mess ngeli
Ka, ka, ka e ki, ki, ki
Është pula, a është gjeli?

Kakariste natë e ditë
Kakariste çdo mëngjes
Ngeli fisi duke prit
Po nuk doli asnjë vez.

Pula kështu ish mësuar
Pula na e kish hallall
Në atë furriq të modernuar
Kakaristë si papagall.

E, Honluluja 20 vjet
Priti vezën e një shprese
Priti vezën e vërtet
Trashëgim të një kalese.

Edhe sot e njëjta gjë
Ka, ka, ka e ki, ki, ki
Çirret pula me plot zë
Veza, ëndërr përsëri…

|Fabul satirike: Donald Bezhani -2012 |

------------------------------------------------------------------------------------------------------------------------------

”Don Kishoti”

Don Kishoti mbi një kalë

Bashkë me Sançon mbi gomarë

Tek po shëtisnin vërdallë

Seç na panë ca ushtarë .

Këta ushtarë e këta viganë

Që nga krahët e gjatë i dalloi

Për të ligë në mend i vanë

Pa humbur kohë e ti luftoi.

Sonaço vëllait kur ia tha

E çuditi krejt pa masë

-Ki mendjen more pasha

                                                           Janë mullinj, ç’po të ngjas?

-S’merr vesh ti nga kalorsia

Në s’ta mban qëndro këtu

Edhe u nis porsi furia

Mbi Rosinatin Gati-tu.

Shtizën drejtë e drejtoi

Vrapin e kalit e shpejtoi

Mbi të parin që vështroi

Mori shenjë edhe që lloi.

Në atë çast era veproi

Pëlhurat si krahë rrotulloi

Trimit shtizën ia copë toi

Bashkë me kalë e dërrmoi.

Rendi Sançoja mbi gomarë

-Të thashë imzot, janë mullinj

-Pusho ti more i shkarë ,

Dikush i ktheu me magji...

Ndodhi ç’ndodhi u kalua

Por, historia mori dhenë

Për të tjerët u shpjegua

Të kenë kujdes me ç’ëndrra flenë .

| Donald Bezhani - 13.12.2010 |

 

 ------------------------------------------------------------------------------------------------------------------------------

”Vezët e plakut!”

Një plaku në mendje i kish vatë

Plakën e tij të provokonte

I kishin thënë, gjuhën e ka të gjatë

Ç’thuhej në shtëpi, mëhallës ia tregonte.

Tek ngrihet herët në mëngjes

I afrohet plakës edhe i thotë

-dëgjo plakë, kam bërë një vezë

Por, mos hap gojë në këtë botë.

Sapo plaku nga shtëpia largohet

Menjëherë plaka te nusja shkon

-plaku bëri dy vezë, s’më besohet

Por mos i thuaj njeriu, mos gabon?

Nusja te komshija e shton edhe një vezë

Edhe kështu lajmi udhë mori

Të gjithë të sapongritur në mëngjës

Mësuan se ç’bërkëka plaku i gjori.

Madje edhe mbreti mësoi për plakun

Që bërkëka 99 kokrra vezë

Ndaj, ai që të heqë merakun

Për në pallat i bën një ftesë.

Niset plaku edhe shkon

Për tek mbreti serbes-serbes

E te porta na i thonë

-99 vezë për këtë mëngjes!

Na ulet ballë për ballë të mbreti

E zotëria na i thotë:

-ti je ai, ai i vërteti

Që 100 vezë çdo mëngjes bën?

-Të lutem, më fal madhëri

Po përse një vezë e shton?

-E ç’vlerë na paska një tani

Kur 99 pa frikë i bon’???

-A, ka shumë vlerë madhëri

Nga asnjë, një unë shtova

Edhe ja që nga Ju tani

100 kokëra unë dëgjova...

Ashtu një fjalë në këtë bot’

Kalon gojë më gojë dhe shtohet

Nga njëri te tjetri fare kot

Qimja, tra në fund tregohet.

| Donald Bezhani - 01.11.2009 |

 ---------------------------------------------------------------------------------------------------------------------------------

"Pengesat"
(44 ditë jetë!)

Ditë e parë, ditë e vërtetë
Në koshere lind një bletë
Që të marrë e  vogla  jetë
Mjaltë i japin me të shpejtë.

E më pas i dhanë një 'punë'
Që kosheren ta bejë dritë
Blet' e vogël mendon shumë
'Po akoma un s'jam rritë!'

Kush s'punon, kosheren lë
E m'soj ligjin një-më-një.
Ç'të të bejë blet' e shkret'
Po përpiqet për jetën e vet.

Dit e dytë, e tretë, e katër'
Përgatitet bleta e mjerë.
Të dhjetën dit' me pa hadër
Gati, kosheren që të lerë.

Më në fund doli në botë
Lule më lule tërë hare
Ja merr shtruar këngën thot'
Filloj bleta jetë rë re...

Aty nga e njëmbëdhjeta
Numër tersi kot si thon'
Seç na ngeci në ca rrjeta
Me mund, me zor shpëton.

Por, e harroj që tjetrën dit'
Aventurierja sa u mahnit
Kopësht m'kopësht tuj shëtit
Baçe më baçe çu harrit'"...

Eh, gezimi gjatë nuk zgjati
Aventura kaqëz e pati!!!
Ësht' monitonia e një zanati
Kështu qenka ndërtuar fati.

Ç'të të bejë bletë e shkretë
Po përpiqet për jetën e vet'.
Kur, që nga dita e njëzetë
Veç pengesa has në jetë.

Her një grenxë i vihet pas
Her ndonjë korb e pikas
Her breshëri n'udhë e zë
Por, ka nje Zot dhe për të.

Ama, të dyzet e katërtën ditë
Që të pi ujë në një përrua,
Se si në 'hurdhë' ra pa pritë'
Dhe aty mbeti,,, u harrua...

| Donald Bezhani - 04.06.2014 |

Ps:
Jo më kot zgjodha bletën, kur në botë ka lloj-lloj kafshësh si, ujqër, korba, grenxa, gjarpërij, etj-etj...

Fjalor:
Harrit'" = gëzua jashtë mase, harruar pas lumturisë së momentit. (sh. femija u harrit mbas topit). Krahina Shpatit Elbasan.
Zor = vështirësi.
Hurdhë = (Krahinore, Shpati Elbasan), gjol, gropë me ujë krijuar nga forca e rrymës së përroit.

 

------------------------------------------------------------------------------------------------------------------------------------

“ Gabimi i njё Gomari “

Na e ftuan njёherё

Njё gomar nё pallat

Tё thosh ndonjё haberё

Se ҫ’bёhej thellё nё fshat.

Ja nisi ky i shkreti

Me mbretin ballё-pёr-ballё

Gjithҫkaje prej s’vёrteti

Se ҫ’ndodhte shkallё mё shkallё.

-Mё besoni madhёri

Unё kurrё nuk gёnjej

Ёshtё a s’ёshtё ҫudi

Por, vendi keq do vejё.

Njerёzit janё tё mёrzitur

Sado edhe nga pushteti

Por, ngёlёm tё robёritur

Nga tё ligj qё gjё s’i gjeti.

Se ka sot ca barbonё

Qё tё bёjnё hatanё

Bёjnё sikur s’din ҫ’thonё

E ngatёrrojnё gjithё dynjanё.

Pale se ҫ’janё ata

Qё me gojё s’tё flasin

Zemёrohen pёr hiҫgja’

E nё fytyrё ta plasin.

Po ka edhe ca tё tjerё

Qё tunden nga fryn era

Qё s’kanё fare haber

E mbahen pёr gangstea.

Mё keq akoma kur

Ca hiҫ mendjen s’e vrasin

Vetё ngrejnё kala me gur’

E ‘sllavit’ i lёnё prazin…

-Mjaft more budalla

Boll gёnjeve t’shkretёn

-Mё fal, tё lutem padisha,

Unё thash veҫ tё vёrtetёn…

Se ҫ’ndodhi mё gjatё se di

A mund t’ma thoni ju?

Se po kam pak frikё tani

Edhe nё e paҫa kuptu’…

| Donald Bezhani – 08.08.2012 |

  ------------------------------------------------------------------------------------------------------------------------------------

 

“ Lufta “

Kohё mё parё miqtё e mi’

Diku, larg nё njё ven’

Na ndodhej njё shtёpi

Qё kish njё mac’ e njё qen.

Qeni duhej pёr tё ruajtur

Nga ҫdo i huaj atё shtёpi

Ndёrsa maci pёr tё gjuajtur

Mos tё afrohej asnjё mi.

Kёta tё dy nuk ishin shokё

Njёri-tjetrin e kishin zili

Ndaj u bёnё armiq pёr kokё

Kush e kush me mё shumё dredhi.

Dhe u ndanё nё dy kёshtjella

Secili nё vendin e vet

Qeni jashtё e maci brenda

Nё tё kundёrt, luftё pёlcet.

Mirpo puna pa bёrё ngёli

Mijtё aty hidhnin valle

Nё shtёpi i ligu shkeli

Maci e qeni kishin halle.

Dhe kёshtu u bё rrёmujё

Tё zotёt ngelёn pa asnjё pare

Vetёm zhurmё, zhurmё e bujё

Mё mirё rojet mos ishin fare.

Veҫ nё ndodhtё ndonjё mrekulli

Qё maci e qeni tё bashkohen

Do tё vendosej paqja nё shtёpi

Edhe mё gjerё, kudo t’kёrkohet.

| Donald Bezhani – 04.07.2012 |

PS: Luftrat e realitetit janё mё tё hidhura se ato mes macit e qenit nё kёtё fabul, dhe ato na pёrfshijnё tё gjithёve, kudo qё ndodhemi e cilёtdo qё jemi.