Emri? -"Shqipëri" ...!

- Emri?                                                              

- Shqipëri.

- Datëlindja?

- 28 Nëntor 1912 në pashaportë, e vërteta s’dihet... 

- I paskeni kaluar të 100-ntat nënë. Profesioni?

- Komuniste, pjesën më të madhe...

- Me duket se nuk e kuptuat pyetjen?

- Jo, ju nuk kuptuat pergjigjjen...

- Fëmijë?

- Ka pasur nëna, ka pasur plot. Janinën, të madhen, ma morën Helenët, pastaj erdhen sllavët e më rrëmbyen plot djem e vajza, Ulqinin, Plavën, Preshevën, Shkupin, Manastirin,,, madje u ndërruan edhe emrat saqë nëna nuk do i njohë më kurrë. Më kanë mbetur dy vajza të bukura, Labëria e Malcia, por edhe djemtë e tyre më kanë braktisur...

- Çfarë ju dhemb, nënë?

- Dhimbjet më kanë filluar rreth viteve 90’. Isha e re atëherë. Edhe pse e vuajtur në fëmijëri, ato vitë më gjetën tepër të re, të paprovojë, të virgjër. Isha e bukur, shumë e bukur, e mbushur me rini e dashuri. U vërsulën mbi mua Perëndimorët, të cilët sikurse Bolshevikët në rini, blenë disa nga bijtë e mij edhe palë me ta, filluan të më vidhnin çtë mundnin. Morën çdo gjë kisha, duke mos lënë asgjë për nipërit e mbesat, te cilët po detyrohen të më braktisin. Kjo e sëmuri nënën, bijtë tradhëtarë, të cilët më grabitën çdo pasuri që kisha, e të sëmurë më lanë rrugëve. Madje, së bashku me Bandillat e huaj më premtuan një pastilë që do mi lehtësonte dhimbjet, BE quhej, por që s’ma dhanë kurrë...

- Simptomat janë të qarta nënë. Keni Parazitë, shumë parazitë që po e dobësojnë organizmin tuaj. Në këto raste është e këshillueshme përdorimi i laxativëve, që ti hiqni qafe si jashtëqitje...

- Faleminderit! Do të doja t’ju kisha njohur më parë...

- Nuk është vonë nënë. Keni akoma tipare të bukura...

| Arti i Fjalës - 02.06.2020 |

“Katerina dhe Karantina!”

Katerina në karantinë,
Vriste mendjen gjithë merak
Rrinte mbyllur tërë dinë*
Me vjehrrën e saj që s’e kish hak*

Burri i ish’ në emigrim,
As Shpëtimin se kish’ pranë
Ndodhej kyҫur në izolim
Veҫ me ‘plakën’ në tjetrën anë.

Ndaj dhe shkoi te një komshi,
Se 80 vjeҫe mbushte nona*
Për darkë e ftoi në shtëpi
Duke e dit’ që kish’ Korona...


| #HopaRaTeGropa nr.5 – AF, Prill 2020 |

Shpjegime: Dinë* = ditën (për rimë), s’e kish’ hak* = s’e meritonte (dialekt), nona* = nëna (dialekt). Vini re: Kjo fabul është vetëm një satirë komike, e cila u krijua nga “Arti i Fjalës” në kuadër të rubrikës #HopaRaTeGropa, edhe duhet trajtuar si e tillë.

"SHQIPËTARË!"

Shqiperin' e morën horrat,
e mbajnë zvarrë.
Shqipëtar, mos fli, po zgjohu
or shqipëtarë! 

Mjaft je shitur e je blerë,
o fatkeq!
Kujto vendin tek ke lerë
dhe tek heq. 

Të ka dhënë Perëndia
vend t'bekuar,
si s'të lodhi varfëria,
o i uruar! 

Erdhi dita të ngresh kokë,
të kërkosh
qeveritarë e prokurorë
bashkë ti rrëzosh! 

E mos bëni siç keni bërë
gjithmonë,
por të ngrihemi që të tërë
t'na dëgjojnë!

Mjaf gënjeshtra e tradhëtira
kemi duruar,
S'bëhet Shqipëria me këto partira
pa i shkrumbuar! 

Ky Vetting me komunista
do dështojë,
demokratë dhe socialista
janë njësoj..

***

Ndaj, ti djegim 'plehrat' nga t'parët
opozit' e qeveri.
Të vendosin vetë shqipëtarët
për Shqipëri.

***

Socialistë e demokrat'
jemi keq!
Të ngrihemi pa e zgjat'
djem e pleq!

Të ngrihemi të demostrojmë
se jemi t'pandarë
Shqipërinë tonë të çlirojmë
nga k'ta 'pronarë'...

| Poezi nga: Andon Z. Çajupi
Përshtati: D. Bezhani - 08.04.2018 |