“Kush do ta ndalojë Merkel-in!? Ajo përmbushi ëndrrën e Hitlerit!” - Shkarkohet Ambasadori i Maltës në Finlandë pas deklaratave të tij kontraverse..!

- Ambasadori ynë në Finlandë ka dhënë dorëheqjen këtë të djelë pasi  në deklaratat  e tij e krahasoi Angela Merkel-in me Adolf  Hitler; -  ka deklaruar Ministri i Punëve të Jashtme të Maltës për një komunikat për shtyp. 

(Foto: Maja Hitij/Getty Images)

Kur e nënshkroi dorëheqjen ministri Evarist Bartolo ka nënvizuar se komunikatat e amabasadorit kundrejt kancelares Gjermane nuk prezantojnë aspak qëndrimet Malteze, po ashtu as mardhëniet miqësore reciproke që të dy shtetet kanë mes tyre. 

Michael Zammit Tabona, ambasadori në fjalë, të premten, gjatë festimeve të përvjetorit të 75-të të përfundimit të Luftës së Dytë Botërore në Europë, ka shkruar në rrjetin e tij social Facebook: “ Tani e 75 vjet më parë ndaluam Hitlerin. Kush do ta ndalojë Angela Merkel!? Ajo e ka përmbushur ëndrrën e Hitlerit! Ta kontrollojë Europën...”

Zoti Tabona, një bisnesmen, u emërua ambasador i Maltës në Finlandë në vitin 2014, që prej kur edhe e zotëronte këtë funksion. Por, deklaratat e tij të fundit i kanë kushtuar... 

| Përgatiti në shqip: Arti i Fjalës, Tiranë 2020 – Burimi: Mediafax |

Studimi që hedh poshtë shpresat se CoVid-19 do të zhduket gjatë verës..!

Stinët nuk luajnë veҫse një rol shumë të vogël në epidemiologjinë me CoVid-19, është përfundimi që kanë nxjerrë në pah shkencëtarët në Kanada, sipas të mirënjohurës “The Independent”. 

(Foto: Getty Images)

Njerëzit e shkencës janë shprehur se është pothuajse e pamundur që vera e nxehtë të parandalojë përhapjen me Koronavirus, duke zhgënjyer në këtë mënyrë shpresat e shumë njerëzve, përfshirë presidentin Trump, të cilët kanë pritur që vera e nxehtë ta ndalojë pandeminë globale. 

Shkencëtarët kanadezë kanë studiuar përhapjen e CoVid-19 në të gjithë botën gjatë muajit Mars, në vede me lagështi edhe klimë të ndryshme. Dr. Peter Juni, nga universiteti i  Torontos, ka shpjeguar se kanë zbuluar një lidhje shumë të vogël, të papërfillshme, ndërmjet përhapjes së virusit edhe temperaturës apo lagështisë së ajrit. 

“Në të kundërt, izolimi me mbylljen e shkollave edhe masave të tjera të shëndetit publik kanë qenë një pengesë e konsiderueshme për përhapjen e virusit’’ – ka shtuar Dr. Juni. 

“Vera nuk do ta zhdukë virusin. Është e rëndësishme që njerëzit ta dinë këtë. Nga ana tjetër, sa më shumë masa janë marrë nga shëndeti publik, aq më i madh ka qenë ndikimi i ngadalësimit të përhapjes së pandemisë...” – ka deklaruar Dionne Gesnik, bashkëarutor studimi edhe epidemiolog në Universitetin e Torontos. 

Studimi i publikuar rishtazi në revistën “Canadian Medical Association Jurnal”, është më i fundit i këtij lloji i cili merret me lidhjen e shpërndarjes së koronavirusit edhe temperaturës. 

| Përgatiti në shqip: Arti i Fjalës, Tiranë, 2020 – Burimi: The Independent |     

Dritëro Agolli

Dritëro Agolli lindi më 13 tetor 1931 në Menkulës, afër Korcës dhe u nda nga jeta më 3 shkurt 2017 në Tiranë. Pasi mori mësimet e para në vendlindje, vazhdoi gjìmnazin e Gjirokastrës, një shkollë me mjaft traditë. Ai vazhdoi studimet e tij në Falkutetin e Arteve në Shën Petersburg të Rusisë. Ka punuar shumë kohë gazetar në gazetën e përditshme "Zëri i popullit", dhe për shumë vjet ka qenë Kryetar i Lidhjes së shkrimtarëve dhe artistëve të Shqipërisë. Për tridhjetë vjet me radhë Dritëro Agolli u zgjodh deputet i Parlamentit të Republikës së Shqipërisë. Krijimtaria e tij letrare është mjaft e pasur në gjini e lloje të ndryshme si: poezi, poema, tregime, novela, romane, drama, skenarë filmash etj...

(Foto: Dritëro Agolli)

Disa nga thëniet edhe vargjet më të bukura të tij janë:

• Gabimi i një doktori varroset në tokë. Gabimi i një arkitekti bie në tokë, kurse gabimi i një mësuesi ecën nëpër tokë...

 U zumë të dy aq shumë për punën
Dhe s’flasim dhe s’vemë e s’vijmë
Eh, budalla! Edhe dhëmbët zihen me gjuhën
Zihen dhe bashkë rrinë...

• Ka fjalë që qajnë dhe lotë që flasin...

 Nëse njeriu nuk ndjen as kënaqësi, as dhimbje; 

nëse nuk ndjen as gaz, as hidhërim, as shpresë, 

një gjë po jua them me ndershmëri dhe bindje, 

lëreni të vdesë...

• Jeta është e vështirë. Po vdekja? Kur do të kthehet ndonjëri të na tregojë..!? 

 Në vendin tim e në vendin tënd
Një i çmendur, një vend e çmënd...

• Dashuria është një libër që e lexojnë të gjithë, por të paktë janë ata që arrijnë deri në faqen e fundit...

Po kur të jesh mërzitur shumë.
Në raft të librave kërkomë,
Atje i fshehur do të jem unë,
Në ndonjë varg a ndonjë shkronjë...

 | Përgatiti: "Arti i Fjalës" - Tiranë, Maj 2020 |