Ursula von der Leyen: Dy vaksina anti-Covid mund të autorizohen për përdorim muajin e ardhshëm në Europë..!

 Lajme të mira vijnë nga Brukseli. Bashkimi European do të mund ti japë dritën jeshile për prodhim dy vaksinave anti-Covid nga firmat e mirënjohura “Pfizer” dhe “Moderna” në gjysmën e dytë të muajit dhjetor. Lajmin e ka bërë të ditur vetë Presidentja e Komisionit Europian, Ursula von der Leyen, sipas së ciles gjithҫka do të varet nga vlerësimi që do ti japë agjensia Europiane e medikamenteve këtyre dy  vaksinave në ditët në vijim. 

( Foto: Alphanews)

-     - EMA, (Agjensia Europiane e Medikamenteve), është në kontakt të vazhdueshëm me FDA, (agjensi e ngjashme ne SHBA), për të sikronizuar vlerësimin e efikasitetit të vaksinave dhe, nëse gjithҫka do të rezultojë pa probleme, EMA do të lëshojë autorizimin e nxjerrjes në treg për dy vaksinat  duke filluar nga mesi i muajit dhjetor, - ka deklaruar shefja e Komisionit Europian.

Deri më tani KE ka lidhur kontrata me 5 firma farmaceutike për prodhimin e vaksinave anti-Covid; BionTech, GSK, Sanofi, Astra/Zeneca dhe Pfizer, ndërkohë që janë në diskutim e sipër me Moderna edhe Novavax. Menjëherë sapo rezultatet e para do të jenë të vlerësuara pozitivish nga agjensia Europiane e Medikamenteve vaksinat do të dalin në treg.

         | Burimi: BBC – Përgatiti në shqip “Arti i Fjalës”, Nëntor, 2020 |