Gjykata i jep shpërblim 40 000 Euro për shkak të punës së mërzitshme që kryente..!

Një qytetar francez i cili pretendon se ka rënë në depresion te thellë për shkak të punës së mërzitshme që kryente do të marrë një shpërblim të majmë prej 40 000 Eurosh. 

 

Gjykata i ka njohur më në fund efektet negative të Sindromës “Bore-out” si një formë ngacmimi moral për shkak të mungesës së angazhimeve që shpie në depresion, kështu që një firmë parfumesh në Francë është e detyruar që t’i paguajë ish punojësit të saj shumën prej 40 000 eurosh, shkruan The Telegraph.  

Frederic Desnard, i hapi një padi punedhënësve të tij për shkak të punës së mërzitshme e cila i shkaktotoi probleme të rënda shëndetësore edhe emocionale.  Ai u emërua drejtor i mardhënieve të përgjithshme për një firmë parfumesh në 2014-ën, por në fakt superiorët i kërkonin gjithnjë që të bënte punë nga më të ndryshmet pa pasur lidhje me postin, madje edhe tu merrte fëmijët nga shkolla. Ai gjithashtu tregon se në zyre kishte shume pak punë për të, aq sa superiorët në një moment të caktuar i kërkuan që të ikte në shtëti dhe se do ta telefononin kur të kishte diҫka për të bërë. Një telefonatë që, sipas Frederic, jo vetëm që nuk erdhi kurrë, por që më vonë mori edhe njoftimin se ishte i shkarkuar...

Avokati i Desnard, Montasser Charni, ka deklaruar që ky Sindrom, i quajtur “Bore-out”, përbën një formë ngacmimi moral. “Kjo mund të përkufizohet si një ngarkesë morale e shkaktuar nga mungesa e angazhimeve për të, të cilat krijojnë një ndjenjë turpi duke qenë se paguhej pa bërë asgjë. Kjo nuk shkakton gjë tjetër veҫse stres edhe pasoja negative në shëndetin e një individi... - ka shpjeguar ai”.

Frederic menjëherë mbas punës ra në depresion të rëndë. Si pasojë e kësaj ai pësi edhe një aksident vaskular falë një krize epileptike, duke i shkaktuar koma të përkohshme; bazuar gjithmonë në të dhënat e avokatit të tij...

| Burimi: The Telegraph - Shqiptoi: “Arti i Fjalës”, Tiranë, 2020 |      

Kush qëndron pas protestave të dhunshme në ShBA? – Ja si shprehen zyrtarë të lartë nga FBI dhe Departamenti Amerikan i Drejtësisë...

Sekretari amerikan i drejtësisë në ShBA, Bill Barr, ka pohuar të enjten se “agjentët e huaj” po provojnë të nxisin dhunën në protestat e zhvilluara për shkak të vdekjes së George Floyd, sipas agjensisë së lajmeve Agerpres. 

(Foto: Profimedia)

-Deri më tani, 51 persona janë të arrestuar nga autoritete federale, si dhe qindra të tjerë nga autoritetet lokale, lidhur me revoltat e dhunshme. - deklaroi ai në një konferencë për shtyp. – Shikojmë gjithashtu se aktorë të huaj po manipulojnë në të gjitha drejtimet për të nxitur dhunën në protesta, - ka shtuar ai pa dhënë detaje të tjera. 

Së bashku me të, drejtori i FBI, Christopher Wray, evitoi që të drejtonte gishtin nga ndonjë shtet i huaj në mënyrë të përveҫme, por shtoi gjithashtu që: “Agjentët e huaj duhet ta dinë se ne i vezhgojmë të gjitha, ashtu siҫ edhe jemi të gatshëm të veprojmë menjëherë sapo ta shohim të arsyeshme...”

Javën e shkuar ishte këshilltari presidencial për sigurinë e brendshme, Robert O’Brien, ai që fajsoi Kinën, Iranin edhe në një mënyrë më të tërhequr Rusinë si “fuqitë e huaja kundërshtare” që kanë si qëllim përdorimin e kësaj krize të brendshme për të shkaktuar sadopak destabilitet....

| Burimi: AFP, Agrepres, Digi24 – Në shqip “Arti i Fjalës”, Tiranë, 05.06.2020 |